Post 
लेखिका, टिभी होस्ट, पत्रकार
मानिस- मान्छेका आ-आफ्ना स्वभाव र चरित्र हुन्छन् । मलाई झुट बोल्ने मान्छे मन पर्दैन । कतिपय मान्छे त्यस्ता हुन्छन्, जसको डबल स्ट्यान्डर्ड -दोहोरो मापदण्ड) हुन्छ । डबल स्ट्यान्डर्ड भएको मान्छे पनि मलाई मन पर्दर्ैन । नारीलाई सम्मान नगर्ने, उसको अस्तित्वलाई स्वीकार नगर्ने पुरुष मलाई मन पर्दैन । त्यस्तै, साथीहरू भेला गरेर तेस्रो मान्छेको कुरा काट्ने महिला मन पर्दैन ।
पोसाक- जिउमा फिट नहुने पोसाक मन पर्दैन । धेरैले आफ्नो पर्सनालिटीको पनि ख्याल नगरी पोसाक लगाउँछन् । आफ्नो पर्सनालिटीमा म्याच नहुने पोसाक लगाएको पनि मन पर्दैन । मलाई मिनिस्र्कट लगाउन मन लाग्छ, तर सुहाउँदैन । त्यसैले त्यो लगाउन मन लाग्दैन ।
गीत- मन नछुने गीत मलाई मन पर्दैन । जुन गीतले आत्माको भित्री तहसम्म छुँदैन, त्यस्तो गीतको के अर्थ ? अहिलेका धेरै गीत उडन्ते हुन थालेका छन् । अहिले गम्भीर गीत एकदमै कम छन् । तिनले आत्मालाई छुँदैनन्, झंक्रित गर्दैनन् । त्यस्ता सतही गीत मलाई मन पर्दैन र सुन्न पनि चाहन्नँ ।
फिल्म- म नेपाली फिल्म एकदम कम हेर्छु, किनभने थोरै मात्र नेपाली फिल्म राम्रा छन् । बढी हेर्ने भनेको अंग्रेजी र हिन्दी फिल्म हो । प्रस्तुति नराम्रो भएको फिल्म मलाई मन पर्दर्ैन । फिल्म त पुराना मन पर्छन् । भर्खरै हेरेको र साह्रै मन नपरेको हिन्दी फिल्म रावण हो ।
किताब- जहिल्यै पनि रिपिटिसन गर्नेे लेखकका किताब मलाई मन पर्दैन । कुनै गम्भीर लेखाइमा पनि लेखक आफैँ हाबी भएको किताब मन पर्दैन । त्यसैले म धेरैजसो किताबको रिभ्यु हेरेर मात्रै पढ्छु ।
नेता- जनतासँग झुटो बोल्ने नेता मन पर्दैनन् । धेरै नेता कुरा मात्रै ठुल्ठूला गर्छन्, तर काम केही पनि गर्दैनन् । मलाई त्यस्ता नेता पनि मन पर्दैनन् । वाकपटुता मात्र भएको, भीड तताउने र जनतालाई आश्वासन मात्रै दिने नेता मन पर्दैन ।
नायक- आफ्नो चरित्र नबुझ्ने र अभिनयको अर्थ नबुझ्ने नायक मन पर्दैन । नायिकासँग डान्स गरेर, भिलेनलाई पिटेर मात्रै नायक भइन्छ भन्ने सोच भएका नायक मलाई मन पर्दैन । त्यस्तै, ओभरएक्टिङ गर्ने नायक पनि मन पर्दैन ।
नायिका- अभिनय राम्रो नगर्ने, तर आफूलाई राम्री देखाउन मात्रै रुचाउने, मेकअप मात्र गर्ने, सहरमा आफूलाई चिटिक्क देखाएर मात्र हिँड्ने नायिका मलाई मन पर्दैन ।
पत्रकार- पत्रकारिताको शक्तिको मिसयुज गर्ने र आफ्नो जिम्मेवारीको ख्याल नगर्ने पत्रकार मलाई मन पर्दैन ।
होटल- सहरको फोहोर गल्लीभित्र भएका होटल राम्रा हुँदैनन् । त्यस्ता होटल मन पर्दैनन् । फोहोरी, दुर्गन्धित र हाइजिनिक खाना नभएको होटल पनि मन पर्दैन । कुनै होटलमा नेप्किनको सट्टा फोहोर कपडा प्रयोग गरिएको हुन्छ, मलाई त्यस्तो होटल मन पर्दैन ।
खाना- धेरैलाई मन पर्ने ममः मलाई मन पर्दैन । ममः कहिल्यै पनि खान्नँ । पिज्जा, बर्गर पनि मलाई मन पर्दैन ।
0 comments:
Post a Comment