भदौँ ४ मा नाइँ नभन्नु ल
चलचित्र लेखक विकास आचार्यको निर्देशनमा प्रदर्शनका लागि तयार चलचित्र 'नाइँ नभन्नु ल' भदौ ४ गते सार्वजनिक हुने भएको छ । प्रेमकथामा आधारित यो चलचित्रमा तीन नायक तथा एउटी नायिकाको अनौठो प्रेम प्रसंगलाई पर्दामा उतारिएको छ । रमेशजङ रायमाझीले निर्माण गरेको यो चलचित्रमा जीवन लुइँटेल, सुमन सिंह, मुकेश आचार्य तथा ऋचासिंह ठकुरीले केन्द्रीय भूमिका निर्वाह गरेका छन् भने यो चलचित्रमा महेश खड्काको संगीत सुन्न पाइनेछ ।
कानुन भदौ ४ देखि
उदय सुब्बाको लेखन तथा निर्देशन रहेको चलचित्र कानुन आउँदो भदौ ४ गतेदेखि उपत्यकामा प्रदर्शन हुने भएको छ । वर्तमान राजनीतिक परिवेश एवं प्रेमकथामा आधारित यो चलचित्रको निर्माण मदनकुमार इङ्नाम, भीम चोङबाङ र रामप्रसाद चोङबाङले गरेका हुन् । एनबी मर्हजनको द्वन्द्व, राजेशपायल राईको संगीत, दिनेश पाखि्रनको नृत्य एवं कृष्ण श्रेष्ठको छायांकन हेर्न-सुन्न पाइने यो चलचित्रमा राजेश हमाल, निखिल उप्रेती, दिलीप रायामाझी, झरना थापा, अरुणिमा लम्साल, सुनील थापा तथा दिनेश शर्माको मुख्य भूमिका छ ।
भदौं २५ देखि हिम्मत टु
दीपक श्रेष्ठको निर्माण एवं निर्देशनमा बनेको सिक्वेल चलचित्र 'हिम्मत टु' आगामी भदौं २५ गतेदेखि नेपाल अधिराज्यभरि एकैसाथ सार्वजनिक हुँदैछ । चलचित्रमा विराज भट्ट, युना उप्रेती र श्रीकृष्ण लुइँटेलको दोहोरो भूमिका छ । यसका साथै चलचित्रमा बसुन्धरा भुसाल, दिनेश डिसी, सुशील पोखरेल आदि कलाकारहरू छन् । काठमाडौं, पोखरा र जोमसोममा छायांकन गरिएको उक्त चलचित्रका संगीतकार आलोकश्री हुन् ।
धरानमा ँ१८३० एक इतिहासको’ प्रदर्शनी
यलम्बर फिल्म्सको ब्यानरमा निर्माण भएको '१८३० एक इतिहासको' शीर्षकको ऐतिहासिक चलचित्रको प्रदर्शन धरानको गणेश टाकिजबाट प्रारम्भ भएको छ । तत्कालै पूर्वका सम्पूर्ण बजारमा प्रदर्शन गरिने यो चलचित्रमा आधुनिक नेपालको इतिहासमा १८३० को घटनालाई मुख्य विषय बनाइएको छ । नेपाल एकीकरणका बेला तत्कालीन गोरखाका राजा पृथ्वीनारायण शाहले पल्लो किराँत राजा सोनाहाङमाथि कसरी युद्धमा विजय प्राप्त गरेका थिए भन्ने घटनाक्रम प्रस्तुत गरिएको यो चलचित्रमा नायिका मौसमी मल्ल, नायक सानुबाबा सुब्बा तथा पुष्प श्रेष्ठको प्रमुख्ा भूमिका छ । चलचित्रका निर्देशक दिनेश वान्तवा एवं निमार् ता छत्र आम्बुहाङ हुन् ।
जादुगरको सहयोग
हास्यकलाकार तथा जादुगर महादेव त्रिपाठीले निर्माण एवं निर्देशन गरेको चलचित्र 'जादुगर' को प्रथम प्रदर्शन भोलि शनिबार काठमाडौँको कालोपुलस्थित हीरारत्न हलमा हुँदैछ । त्रिपाठीका अनुसार अपांग तथा सडक बालबालिकाहरूको सहयोगार्थ उक्त प्रदर्शन हुन लागेको हो । ४० जना बालबालिकाले मुख्य भूमिका निर्वाह गरेको चलचित्र जादुगरमा त्रिपाठी स्वयं जादुगरको भूमिकामा छन् । मनोरञ्जनात्मक चलचित्र जादुगरमा विनोद खुम्बुको संगीत, रामनारायण चौधरीको छायांकन, खेम गुरुङको सम्पादन, योगेन्द्र श्रेष्ठको द्वन्द्व तथा शंकर बिसीको नृत्य निर्देशन छ ।
सिड्नीमा ँवीरताको चिना’
अस्ट्रेलियाको सिड्नीमा चलचित्र 'वीरताको चिनो'को प्रथम प्रदर्शन भएको छ । रेडकार्पेट ओछ्याएर उक्त चलचित्रको प्रथम प्रदर्शन गरिएको चलचित्रकी नायिका ऋचा घिमिरेले बताएकी छिन् । शंकर घिमिरेको निर्देशनमा चलचित्र 'वीरताको चिनो' मा विराज भट्ट, सुमन सिंह, ऋचा घिमिरे, रेजिना उप्रेती, रञ्जना शर्मा, सोभिता सिम्खडा, ध्रुव दत्त, कल्याण घिमिरे, सुशिल पोखरेल आदि कलाकारले मुख्य भूमिका निर्वाह गरेका छन् भने चलचित्रको निर्माण श्याम सुवेदी तथा श्याम अर्यालले गरेका हुन् ।
छायांकन सकियो भोजपुरी चलचित्रको
जगदम्बा फिल्म्सको व्यानरमा निर्माण भैरहेकोे भोजपुरी कथानक चलचित्र 'प्यार करेला हिम्मत चाही' -प्रेम गर्न हिम्मत चाहिन्छ) को छायांकन सम्पन्न भएको छ । चलचित्रका निर्देशक अनिल सर्राफका अनुसार, छायांकनको काम ४० दिनमा सकिएको हो । वीरगन्ज, कलैया, जितपुर, निर्मलबस्ती, पथलैया जंगल तथा पोखरामा छायांकन गरिएको यो चलचित्रको पोस्ट प्रोडक्सनको काम सुरु भएको छ । नेपालीमा यो चलचित्रको शीर्षक 'प्रतिज्ञा' रहनेछ । भोजपुरी भाषाको यो चलचित्र नेपाल र भारतमा एकसाथ ४० देखि ५० ठाउँबाट प्रदर्शन हुनेछ ।
अनायसै कृष्णा
नायक निखिल उप्रेती तथा रेखा थापाबीच पानी बाराबारको स्थिति यद्यपि छँदैछ । एकअर्कासंग चलचित्रमा नायक-नायिका भएर अभिनय गर्नु त टाढाको कुरा हो, उनीहरु एक अर्काको सामुन्ने पनि पर्न चाहँदै नन् । यस्तो अवस्थामा पनि उनीहरु दुबैले अभिनय गरेको चलचित्र 'कृष्णा' गत साता काठमाडौँ उपत्यकामा सार्वजनिक भयो । राजेश हमाल, नन्दिता केसी, सन्तोष गुरुङ समेतको महत्त्वपूर्ण भूमिका रहेको यो चलचित्रमा रेखा र निखिलसंगै भएको एउटा पनि दृश्य छैन । सुजन लामाको निर्देशनमा चलचित्र 'नैना रेशम'का निर्देशक आरबीके शरदले उक्त चलचित्रको निर्माणका हुन् भने चलचित्रका संगीतकार पारस मुकारुङ हुन् । यो चलचित्रमा पुरानो चलचित्र 'आघात' को चर्चित गीत 'चोरी देउ, चोरी देउ' को रिमिक्स पनि सुन्न पाइन्छ ।
फेसबुकबाट पोस्टर
चलचित्र 'बाटोमुनिको फूल' का निर्माता राजेश घतानीले उक्त चलचित्रको पोस्टर फेसबुकमार्फत सार्वजनिक गरेका छन् । प्रेमको नौलो आयाम प्रस्तुत गर्ने यो चलचित्र इटालीबाट सार्वजनिक हुँदै माघ १० गते नेपालमा प्रदर्शन हुनेछ । सुरज सुब्बा 'नाल्बो'को निर्देशनमा निर्माणको अन्तिम चरणमा पुगेको यो चलचित्रमा यशकुमार, बाबु बोगटी, रेखा थापा, नन्दिता केसी आदि कलाकारको मुख्य भूमिका छ । यसअघि चलचित्र 'कुसुमे रुमाल' 'कोही मेरो' र 'फस्टलभ'ले पनि फेसबुकमार्फत आफ्नो पोस्टर सार्वजनिक गरेका थिए ।
0 comments:
Post a Comment