एक हतियारधारी व्यक्तिले विधवा महिलासित यौनक्रीडा गरिरहेका वेला सप्तरी प्रहरीले दुवैलाई पक्राउ गरेको छ ।
विशेष सूचनाका आधारमा जिल्ला प्रहरी कार्यालय सप्तरीका अनुसन्धान अधिकृत प्रहरी निरीक्षक भुवनेश्वर साहको नेतृत्वमा खटिएको टोलीले उनीहरूलाई पक्राउ गरेको हो । शनिबार बिहान साढे दुई बजे सिम्राहा सिंग्यौन-८ की ३० वर्षीया एक विधवा महिलासँग यौनक्रीडा गरिरहेका बखत उनीसहित सोही स्थानका सतासी मण्डल पक्राउ परेका छन् ।
स्रोतका अनुसार जिल्लामा हुने विभिन्न आपराधिक क्रियाकलापमा मण्डल संलग्न रहेका थिए । ती विधवा महिलाको घरमा गएर सुत्ने गरेको सूचनाका आधारमा प्रहरीले सर्च गरेको थियो । हतियारधारी मण्डलको ती महिलासित अवैध यौन सम्बन्ध रहेको र प्रायः उनकै घरमा सुत्न आउने गरेको सूचनाका आधारमा प्रहरी टोली त्यहाँ पुगेको हो ।
पक्राउ परेका मण्डलका साथबाट ६ थान राइफलको गोली बरामद गरिएको जिल्ला प्रहरी कार्यालय सप्तरीले जनाएको छ । प्रहरीका अनुसार मण्डलले अन्य हतियार अन्तै राखेको हुनाले तत्काल बरामद हुन सकेको छैन । उनीसँग लिएको बयानका आधारमा खोजतलास जारी रहेको छ ।
पक्राउ परेका मण्डल विभिन्न आपराधिक क्रियाकलापमा संलग्न रहेको पुष्टि भइसकेको र ती महिला पनि उनका सहयोगी रहेको जनाएको छ । दुवैलाई अनुसन्धानका लागि प्रहरी हिरासतमा राखिएको जिल्ला प्रहरी कार्यालयका अनुसन्धान अधिकृत भुवनेश्वर साहले नयाँ पत्रिकालाई बताए ।
यसैबीच, दुई वर्ष अगाडि एक महिलाको अपहरणमा संलग्न रहेका त्रिकोल-६ का कपिल यादवलाई पनि प्रहरीले आइतबार पक्राउ गरेको छ । जिल्ला प्रहरी कार्यालयबाट खटिएको प्रहरी टोलीले यादवलाई उनकै घरबाट पक्राउ गरेको हो । यादवमाथि अपहरण तथा शरीर बन्धक मुद्दा लगाई कारबाही प्रक्रिया अगाडि बढाइएको प्रहरीले जनाएको छ । १ मंसिर ०६५ मा त्रिकोल-६ का कमलीदेवी शर्माको अपहरण भएको थियो । उनका परिवारजनले दिएको किटानी जाहेरीमा यादवको नामसमेत रहेकाले उनलाई पक्राउ गरिएको हो ।
0 comments:
Post a Comment