काठमाडौँ । आफ्नै महिला सहकर्मी पत्रकारलाई यौन दुर्व्यवहार गरेको अभियोगमा कान्तिपुरका वरिष्ठ संवाददाता विकास थापा निलम्बनमा परेका छन् । थापालाई तत्काल राजीनामा नदिए निष्कासन गर्नेसम्मको धम्की दिइएको चर्चा कान्तिपुरकर्मीबीच चलेको छ । यता विकास थापाले भने आफूलाई सम्पादक सुधीर शर्मा, समाचार संयोजक हरिबहादुर थापा र चीफ रिर्पोटर गोपाल खनालको षडयन्त्रमा मैना धिताललाई उपयोग गरेर फसाइएको गुनासो साथीहरुसँग गर्न थालेका छन् ।
लामो समयदेखि कान्तिपुरमा जलस्रोत र ऊर्जासम्बन्धी समाचार लेख्दैआएका विकास थापामाथि दुइ साताअघि सोही पत्रिकाका पत्रकार मैना धितालाई सेक्सुअल हृयारेस्मेन्ट गरेको संगीन अभियोग लगाई निलम्बन गरियो । मैनाले आफूलाई विकासले एक वर्षन्दा अघिदेखि यौनदुर्व्यवहार गरेको र लगातार नक्कली इमेल आइडीबाट अश्लिल फोटो, इमेल र भिडियो पठाएर हैरानी पारेको उजुरी दिएकी थिइन् । यद्यपि विकासले आफूमाथि लागेको आरोपपत्र देखाउन व्यवस्थापनलाई चुनौती दिएका छन् ।
संयोग कस्तो परेको छ भने, ट्रेड युनियनको पहलमा सबै स्टाफहरुको तलब २ हजार बढाइनुपर्ने मागपत्रमा विकासले हस्ताक्षर गरेकै बेला उनीमाथि निलम्बनको कारवाही भएको चर्चा पनि चलेको छ । मैनाले विकास विरुद्ध अदालतमा समेत जाने धम्की दिएपछि यो केसमा अन्य वरिष्ठहरु पनि तानिने चर्चा समेत कान्तिपुरमा चलेको छ । विकासले नक्कली आइडीबाट मैनालाई पठाएको भनिएको इमेलमा उनी र कान्तिपुरकै एकजना वरिष्ठ समाचारकर्मीबीचको सम्बन्धका बारेमा समेत लेखिएको र अदालतमा लैजादा त्यो पनि जाने र र्सार्वजनिक हुने चर्चा पनि यहीबेला चलेको छ ।
यद्यपि मैनालाई आर्थिक बिटमा स्थापित गर्ने र श्रीलंकासम्म लैजाने श्रेय पनि विकास थापालाई नै दिने गरिएको छ । १८ वर्षदेखि कान्तिपुर प्रकाशन गृहमा कार्यरत विकास थापा शुरुमा कम्प्युटर अपरेटर थिए । तर उनले त्यस पदबाट राजीनामा दिएर आफू निलम्बनमा परेपछि राजीनामा वा निष्कासनको दबाव झेलिरहेका थापाले तै कुरा मिलिहालछ कि भनेर यसबीचमा श्रीमतीसहित गएर हरिबहादुर थापालाई घरमै भेटेका थिए । हरिबहादुरकी श्रीमती उनलाई जागिर थमाउनपर्छ भन्नेमा सकारात्मक भए पनि हरिले विसकाप्रति सदासयता नदेखाएको चर्चा पनि चलेको छ । ट्रेड युनियन सम्वद्ध मजदुरहरु विकासको पक्षमा कुरा गर्न जाँदासमेत हरिबहादुरले यस्तो केसमा विदेशमा भए विकास जेल परिसक्थ्यो, यहाँ त निलम्बनमात्र भएको छ भन्ने जवाफ दिएर पठाएको चर्चा पनि चलेको छ । उता यौन दुर्व्यवहारमा परेकी भनिएकी मैनाले भने विकासलाई लिखितरुपमा माफी मगाएर कान्तिपुरबाट निकालिनु पर्ने माग गरेकी छिन् । यसैबीच सो घटनाबारे प्रतिक्रिया लिन खोज्दा कान्तिपुरकर्मी मैना धितालले सो प्रकरण आफ्नो व्यक्तिगत मामिला भएको र आफ्नै ढंगले लड्ने बताउँदै यो समाचार प्रकाशित गरेमा टाउको फुटाउने धम्की दिइन ।
यसैबीच मैना धितालबाट आरोपित पत्रकार विकास थापाले भने एनजीओको दलाली गरेर पत्रकार बन्न खोज्ने मैलाले आन्तरिक र वाहृय शक्तिहरुको गोटी बनेर आफ्नो १८ बर्षे पत्रकारिताको इतिहासलाई मेटाउन सुनियोजितरुपमा षडयन्त्र गरेको प्रतिक्रिया दिएका छन् । एनजीओ र विदेशीहरुको दलाल बनेर पत्रकारिता गर्न पाइँदैन, जुन कुरा मैनाले गरिरहेकी छिन् । १८ वर्षदेखिको मेरो पत्रकारिताको इतिहासलाई मेटाउने सुनियोजितरुपमा लामो समयदेखिको षडयन्त्रको पछिल्लो कडी यो कथित इमेल प्रकरण हो । म र्सार्वजनिक व्यक्ति हु, मैले नक्कली आइडी खोलेर उनलाई हृयारेस गर्नु छैन र मैले डलरखेती गरेर पत्रकारिता गरेको पनि छैन र गर्दिन पनि विकासले भने । कान्तिपुरमा जलस्रोतको सम्बन्धमा राष्ट्रियताको पक्षमा लेख्दा विदेशीहरु पनि मेरो विरुद्ध लागेका थिए, यी सबै घटनाक्रमहरुको संयोजन मेरो निलम्बन हो, कुनै दिन लेख लेखेर पनि म यी सबै षडयन्त्रहरुको भण्डाफोर गर्नेछु । उता व्यवस्थापनले कानुनअनुसार स्पष्टीकरण र सचेतपत्र समेत निदिइ निलम्बन गरेको भन्दै उनले कानुनी उपचार खोज्ने समेत संकेत दिए ।
त्यसो त विकासमाथिको कारवाहीमा स्याल कराउनु र कुखुरो हराउनु एकैपटक भएको चर्चा पनि कान्तिपुर परिसरमै चलेको छ । उनले लामो समयदेखि मैनाप्रति आशक्ति देखाएको कुरा नयाँ थिएन, बरु कान्तिपुर भित्रकै राजनीतिले पनि काम गरेको बताइन्छ । उता बलराम बानियालाई नागरिकबाट कान्तिपुरमा लैजाने भूमिका पनि विकासले नै खेले । त्यसबाट हरि र गोपाल खनाल रुष्ट भएकाले अन्तिममा उनी कसैको पनि हुन नसकेको चर्चा समेत चलेको छ । अहिले बलराम बानिया निरीह र लाचार रिपोर्टरमात्र बनेर बसेका छन् । त्यसो त विकासको सम्बन्ध हरिबहादुरसँग ब्रि्रनुमा ऊर्जामन्त्रालयको प्रकरण पनि गाँसिएको छ । विकासले माथिल्लो तामाकोशीको कार्यकारी निर्देशक नियुक्ति प्रकरणमा अर्जुन कार्कीको प्रशंसा गरेर लेख तथा समाचार लेखेका थिए भने हरिबहादुरले ऊर्जामन्त्री प्रकाशशरण महतको पक्षमा लेखेका थिए । यसबाट पनि उनीहरुबीच सम्बन्ध चिसिएको बताइन्छ ।
0 comments:
Post a Comment